ಓಹ್...!
ಬಂದೆಯಾ?
ಅದೆಲ್ಲಿ ಹೊಗಿದ್ದೆ ಹಾಳಾದ್ದು...?
ನಿನ್ನ ಜೊತೆ ಸಲುಗೆ ನನಗೆ
ನಾನೆ ಮಾಡಿಕೊಂಡದ್ದು,
ನಿನ್ನನುಮತಿಯಿಲ್ಲದೇ...
ಅದಕ್ಕೆ, ಈ ಮಾತು..
ನೀ ಬಂದೆ, ಏನೋ ಸಮಾಧಾನ..
ಒಳಗೊಳಗೆ ಖುಷಿ, ಹುರುಪು..
ಇಷ್ಟು ದಿನ ಹೇಗಿದ್ದೆ?
ನೀ ಕೇಳಬೇಡ..
ನಾನೂ ಕೇಳುವುದಿಲ್ಲ, ಎಲ್ಲಿದ್ದೆ ಎಂದು..
ಕಣ್ಗಳಲ್ಲುಕ್ಕಿದ ಈ ಮಿಂಚು,
ತುಟಿಯಲ್ಲಿನ ಮುಗುಳು
ಹೀಗೆ ಇರಲಿ ಕೊಂಚ ಹೊತ್ತು,
ಒಣ ಔಪಚಾರಿಕತೆ, ಮಾತು, ಕತೆ
ಏನೂ ಬೇಡ...
ನಿನಗೆ ಗೊತ್ತಾ..!!
ಘಟ್ಟದ ಮೇಲೆಲ್ಲ ಹುಚ್ಚು ಮಳೆ,
ಬಾನೇ ಬಾಯ್ಬಿಟ್ಟಂತಿದೆ...!!
ಅವಶೇಷವುಳಿಸಂತೆ ಭೂಸ್ಖಲಿಸಿ
ಗುಡ್ಡಗಳೆಲ್ಲ ಬಟಾಬಾಯಲು..
ಕೊಚ್ಚಿಹೋಗಿವೆ ಕಾಡು, ತೋಟ, ಮನೆ, ಜೀವ ಮತ್ತು ಕನಸೂ...!!!!
ನನಗೆ ಸಿಕ್ಕಂತೆ
ನೀ ಅವರಿಗೂ ಸಿಕ್ಕುಬಿಡು
ಮೂಡಲಿ ಅವರಲ್ಲೂ ಕೊಂಚವೇ
ಕಣ್ಣ ಮಿಂಚು,
ತುಟಿಯಲ್ಲಿ ಮುಗುಳು,
ಇಂದಿನ ನೋವಿನಲ್ಲೂ...!!
ಬಂದೆಯಾ?
ಅದೆಲ್ಲಿ ಹೊಗಿದ್ದೆ ಹಾಳಾದ್ದು...?
ನಿನ್ನ ಜೊತೆ ಸಲುಗೆ ನನಗೆ
ನಾನೆ ಮಾಡಿಕೊಂಡದ್ದು,
ನಿನ್ನನುಮತಿಯಿಲ್ಲದೇ...
ಅದಕ್ಕೆ, ಈ ಮಾತು..
ನೀ ಬಂದೆ, ಏನೋ ಸಮಾಧಾನ..
ಒಳಗೊಳಗೆ ಖುಷಿ, ಹುರುಪು..
ಇಷ್ಟು ದಿನ ಹೇಗಿದ್ದೆ?
ನೀ ಕೇಳಬೇಡ..
ನಾನೂ ಕೇಳುವುದಿಲ್ಲ, ಎಲ್ಲಿದ್ದೆ ಎಂದು..
ಕಣ್ಗಳಲ್ಲುಕ್ಕಿದ ಈ ಮಿಂಚು,
ತುಟಿಯಲ್ಲಿನ ಮುಗುಳು
ಹೀಗೆ ಇರಲಿ ಕೊಂಚ ಹೊತ್ತು,
ಒಣ ಔಪಚಾರಿಕತೆ, ಮಾತು, ಕತೆ
ಏನೂ ಬೇಡ...
ನಿನಗೆ ಗೊತ್ತಾ..!!
ಘಟ್ಟದ ಮೇಲೆಲ್ಲ ಹುಚ್ಚು ಮಳೆ,
ಬಾನೇ ಬಾಯ್ಬಿಟ್ಟಂತಿದೆ...!!
ಅವಶೇಷವುಳಿಸಂತೆ ಭೂಸ್ಖಲಿಸಿ
ಗುಡ್ಡಗಳೆಲ್ಲ ಬಟಾಬಾಯಲು..
ಕೊಚ್ಚಿಹೋಗಿವೆ ಕಾಡು, ತೋಟ, ಮನೆ, ಜೀವ ಮತ್ತು ಕನಸೂ...!!!!
ನನಗೆ ಸಿಕ್ಕಂತೆ
ನೀ ಅವರಿಗೂ ಸಿಕ್ಕುಬಿಡು
ಮೂಡಲಿ ಅವರಲ್ಲೂ ಕೊಂಚವೇ
ಕಣ್ಣ ಮಿಂಚು,
ತುಟಿಯಲ್ಲಿ ಮುಗುಳು,
ಇಂದಿನ ನೋವಿನಲ್ಲೂ...!!