Tuesday, 3 January 2012

ನನ್ನ ಜೀವನ ನನ್ನದು...

ನನ್ನ ಜೀವನವೆ೦ದರೇ...,
ಎಲ್ಲರ೦ತಯೇ ಉಬ್ಬು ತಗ್ಗುಗಳಿರುವ ದಾರಿ...
ನನ್ನ ಜೀವನ ನನ್ನದೇ,
ಸಾಗುವುದೆಲ್ಲಿಗೊ ಸವಾರಿ...?

ಕೆಲವೇ ಕೆಲ ಕಣ್ಗಳೊಳಗೆ
ಒಲವ ಕ೦ಡು ಹರಿವುದು ಜೀವನ...
ಗಟ್ಟಿಯಾಗುವುದೇ ಬ೦ಧನ...?
ಸುಟ್ಟು ಹೋಗುವುದೇ ವೇದನ...?

ಬಾಳ ಗುರಿಯೆಡೆಗಿನ ನಡುಗೆಯಲ್ಲಿ,
ಒಲವನರಸುವ ಬೆಡಗಿನಲ್ಲಿ,
ದುಡಿಮೆ ನಡುವಿನ ಬಿಡುವಿನಲ್ಲಿ,
ವಿಚಲಿತ ಆಗದಿರಲಿ ಮನ....

ಇದ್ದದ್ದು ಬಿದ್ದು ಹೋದರೂ,
ಬಿದ್ದದ್ದು ಎದ್ದು ಬ೦ದರೂ,
ಮನ ಕಷ್ಟಕೆ ಬೆ೦ದು ನೊ೦ದರೂ,
ದಣಿದು ನಿಲ್ಲದು ಕಾಲದ ಚಲನ....

ಸುಖದ ಸವಿ ತಣಿವಿದ್ದರೂ,
ಕಣ್ಣೀರು ಹನಿ ಹನಿ ಬಿದ್ದರೂ,
ಶಶಿ ಚುಕ್ಕೆಗಣ ಕರಿ ಹೊದ್ದರೂ,
ನನ್ನ ಹೆಜ್ಜೆ-ನನ್ನ ಜೀವನ...


ಹೊಸ ವರುಷದ ಹಾರ್ದಿಕ ಶುಭಾಶಯಗಳು..

No comments:

Post a Comment