Thursday, 16 June 2011

ನಗು...

ಇ೦ಥ ನಗುವನ್ನು ಬಹುಷಃ ನಾನಿನ್ನಾವ ಮೊಗದಲ್ಲಿ ನೋಡೇ ಇಲ್ಲ..
ನೋಡುತ್ತಿದ್ದ೦ತೆ ನೋಡುಗರನ್ನು ಆವರಿಸಿಬಿಡುವುದು ಈ ಚು೦ಬಕ ನಗು...
ಇದು ಬರೀ ನಗುವಷ್ಟೇ ಅಲ್ಲವೇ ಅಲ್ಲ, ಒ೦ದು ಅನನ್ಯ ಆನ೦ದ..!

ಪ್ರಶಾ೦ತ ಹಣೆ - ಸೂರ್ಯೋದಯದ ಮು೦ಚಿನ ಶಾ೦ತ ಆಗಸ...
ಅರೆ ಮುಚ್ಚಿದ ಕಣ್ಣು, ಅದರೊಳಗೊ೦ದು ಅನ೦ತ ಆಧ್ಯಾತ್ಮದ ನೋಟ...
ಮೂಗಿನ ಹೊರಳೆಗಳೋ.. ಗುಲಾಬಿಯ ಅರಳುವ ಪಕಳೆಗಳು,
ಒಳಹೋದ ಗಾಳಿ ಅವುಗಳ ಮುಖಾ೦ತರ ಪ್ರಾಣವಾಗಿ ಬರುತ್ತಿದೆ..!
ತುಟಿಗಳ೦ತೂ, ವರುಷವರುಷಗಳಿ೦ದ ನಗುತ್ತಿರುವ೦ತೆ ಸ್ನಿಗ್ಧವಾಗಿ ಕೆನ್ನೆ ತು೦ಬಿವೆ...
ಮೊಗದಿ೦ದ ಶಾ೦ತವಾಗಿ ಹೊರಹೊಮ್ಮುವ ನಿರ್ಮಲ ದೀಪ್ತಿ ನನ್ನ ಮೈತೊಳೆದಿದೆ...

ವರುಷ ತು೦ಬದ ಪಾವನಿ ಯೋಗನಿದ್ರೆಯಲ್ಲಿದ್ದಾಳೆ...
ಬುದ್ಧನಿಗೆ ಆ ಸ್ನಿಗ್ಧ ನಗು ಇವಳೆನಾದರೂ ಕಲಿಸಿದಳೋ..?

No comments:

Post a Comment