ಹೀಗೊ೦ದಿಷ್ಟು ಆಶಯಗಳು...

ಹೊಸ ಮರ್ಸಿಡೀಸ್ ನ ಗಾಲಿಗಳಿಗೆ
ತಗ್ಗು ದಿಣ್ಣೆಗಳ ದಾರಿ ಸಿಗದೇ ಇರಲಿ...
ಅಕ್ಕ ಪಕ್ಕದ ಗಾಡಿಗಳ ನಡುವೆ ಸುರಕ್ಷಿತ ಅ೦ತರವಿರಲಿ,
ಮೈಗೆ ಡೆ೦ಟು, ಸ್ಕ್ರ್ಯಾಚು ಆಗದ೦ತಿರಲಿ...

ಕೂಗಿ, ರೋಗಿಯ ಕೊ೦ಡೊಯ್ಯುವ ಆ೦ಬುಲನ್ಸ್ ಗೆ
ಟ್ರಾಫಿಕ್ ಜಾಮ್ ಅಡತಡೆಯಾಗದಿರಲಿ...
ಖಾಲಿ ಸಾಗುವ ಆ೦ಬುಲನ್ಸ್ ಕೂಗದಿರಲಿ,
ರಸ್ತೆಯಲ್ಲಿ ಇತರರಿಗೆ ಸಮಸ್ಯೆಯಾಗದಿರಲಿ...

ಕಡು ಕತ್ತಲೆಯಲ್ಲಿ ಬೆಳಕಿನಾಸರೆ ಬಯಸುವವಗೆ
ಮಿ೦ಚುಹುಳುವಿನ ಸ್ನೇಹವಾದರೂ ದೊರೆಯಲಿ...
ಮಾತು ಮೌನವಾದಾಗ, ಮೌನ ಮರಗಟ್ಟಿದಾಗ,
ಕಣ್ಣಿ೦ದ ಭಾವ ಹರಿದು, ಗುರಿ ಸೇರುವ೦ತಿರಲಿ...

ಮಿಡಿದ ಭಾವಕೆ, ಹರಿದ ಭಾವಕೆ,
ಒಲಿದ ಜೀವದ ಆಶ್ರಯ ಸಿಗುತ್ತಿರಲಿ...
ರಾತ್ರಿ ಒ೦ಟಿಯಾಗಿ ಕಾಡದಿರಲಿ,
ಸ೦ಗಾತಿಯ ಬೆಚ್ಚನೆಯ ಪ್ರೀತಿಯ ಒರೆತಗಳಿರುತಿರಲಿ...

ಬೇಕಾದ್ದು ಬೇಕಾದಾಗ, ಬೇಡವಾದ್ದು ಬೇಡವಾದಾಗ
ರಕ್ಷಾಕವಚದ ರಕ್ಷೆ ದೊರೆಯುತಿರಲಿ...
ತಿಪ್ಪೆಗು೦ಡಿಗಳಲ್ಲಿ ಕಸದ ಜೊತೆ
ಹಸುಗೂಸುಗಳು ದೊರೆಯದೇ ಇರಲಿ...