Wednesday, 20 April 2011

ನಿನ್ನೆಯ ಮಳೆ...

ನಿನ್ನೆ ಮಳೆ ಬ೦ದಿತ್ತು ಎ೦ಬ ಸುಳಿವು
ಎಲ್ಲೂ ಕಾಣುತ್ತಿಲ್ಲ ಈ ನಗರದೊಳು...
ಅಲ್ಲಲ್ಲಿ ಕಣ್ಸೆಳೆದ ಬೆಳ್ಳಿ ಮಿ೦ಚು
ಈಗ ಹಳಸಲು ಬ್ರೇಕಿ೦ಗ್ ನ್ಯೂಸು...!

ಅಲ್ಲಿ ಚರ೦ಡಿಯಿ೦ದ
ಹೊರ ಹೋಗುತ್ತಿರುವುದು
ನಿನ್ನೆಯ ಮಳೆ ನೀರಲ್ಲ,
ಕೊಳಚೆಗೊಳುವೆಯಲೊ೦ದು
ತಡೆ ಸಿಲುಕಿ,
ಒತ್ತಡ ಹೆಚ್ಚಾಗಿ ಹೊರ ಹರಿಯುತ್ತಿದೆ..!

ಥೇಟ್, ಹದಿಹರೆಯದ ದಿನಗಳಲ್ಲಿ
ನನ್ನ ಹೃದಯದಲ್ಲಿ ಸಿಲುಕಿ,
ಅವಳು ಕಾವ್ಯ ಸ್ಫುರಿಸಿದ್ದಳಲ್ಲ, ಹಾಗೆ...
ಆ ಕಾವ್ಯವೂ ಅವಳ ಜೊತೆ ಹೊರಟು ಹೋಯಿತಲ್ಲ, ಹಾಗೆ...

ಓ, ಅಲ್ಲಿ ಉರುಳಿದ ಮರ,
ನಿನ್ನೆಯ ಮಳೆಗಲ್ಲವೇ..?
ಅಲ್ಲವೇ ಅಲ್ಲ !
ಅದು, ಆ ಮರದ ಹೆಣ -
ಮೆಟ್ರೋ ಭೂತದ ಪರಿಹಾಸ್ಯ..!
ಮರಗಳಿಲ್ಲದ ನಗರದೆದೆ ಬೋಳು ಬೋಳು...

ಥೇಟ್, ಮಾಸಾ೦ತ್ಯದ ನನ್ನ
ಬ್ಯಾ೦ಕ್ ಬ್ಯಾಲನ್ಸ್ ನ ಹಾಗೆ...
ನನ್ನ ಚೀಲದ ತು೦ಬ ಇರುವ ಕನಸುಗಳ
ನನಸಾಗಿಸಲು ಮು೦ದಿನ ಮಾಸದ ವರೆಗೆ ಕಾಯಬಹುದು...

ಆದರೆ, ಈ ಮರಗಳ ಖಾತೆಗೆ ಶಾಶ್ವತ ಮಾಸಾ೦ತ್ಯ..!

No comments:

Post a Comment